လၢႆးႁဵတ်း Jump page ၼႂ်းၼႃႈၽဵတ်ႇဢမ်ႇၼၼ်ၽူတ်ႉလဵဝ်ၵၼ်

ဝၢႆးလႆႈလိုဝ်ႈယင်ႉၵႂႃႇၸူဝ်ႈၼိုင်ႈၼၼ်ႉ ဢမ်ႇလႆႈတႅမ်ႈလွင်ႈၿလွၵ်ႉထႅင်ႈၵႃႈႁိုဝ် မိူဝ်ႈၼႆႉၶႃႈႁဝ်းမီးတၢင်းႁူႉမႂ်ႇမႂ်ႇမႃးထႅင်ႈ
လၢႆးႁဵတ်းလၢႆးသၢင်ႈၿလွၵ်ႉႁႂ်ႈမၼ်းၼႃႈသူၼ်ၸႂ်ထႅင်ႈ တၢင်းႁူႉမႂ်ႇဢၼ်ဝႃႈၼၼ်ႉမၼ်းပဵၼ်သင်ၼႆၼၼ်ႉ မႃးၸွမ်းတူၺ်း
ၸွမ်းၵၼ်ၶႃႈ လၢႆးႁဵတ်း Hyperlink ၵျွၵ်းၵႂႃႇၸူးႁူဝ်ၶေႃႈလိၵ်ႈၼႂ်းၼႃႈၽဵတ်ႇလဵဝ်ၵၼ် ပေႃးဝူၼ်ႉဢမ်ႇပွင်ႇဝႃႈမၼ်းပဵၼ်
သင်လႄႈၼႆၵေႃႈ ၸၢမ်းဝူၼ်ႉတူၺ်းမိူဝ်ႈႁဝ်းပေႃႉလိၵ်ႈလူင်းၵႂႃႇၼႂ်းၼႃႈလိၵ်ႈဢမ်ႇဝႃႈတေပဵၼ် ms office ဢမ်ႇၼၼ်
ၼႂ်းၼႃႈဝဵပ်ႉၿလွၵ်ႉၶွင်ႁဝ်းၶႃႈၼၼ်ႉၼႃႇ သင်ဝႃႈႁဝ်းပေႃႉလိၵ်ႈလူင်းၵႂႃႇယဝ်ႉမၼ်းမီးႁူဝ်ၶေႃႈယွႆႈယႅမ်းလူင်းၵႂႃႇၼမ်ၼမ်
ၵူၼ်းတူၺ်းၼႃႈဝဵပ်ႉႁဝ်းၼၼ်ႉတေလႆႈလႆ Scrollbar လူင်းၵႂႃႇၸူးႁူဝ်လိၵ်ႈမၼ်းၼၼ်ႉၶႃႈၼႃႇ ၸွင်ႇမၼ်းပၼ်တၢင်း
ယၢပ်ႇၽိုတ်ႇတႃႇၵူၼ်းၶဝ်ႈတူၺ်းႁိုဝ်? သင်ဝႃႈႁဝ်းၸၢင်ႈႁဵတ်းၶပ်းမၢႆၸႅၼ်ႇဝႆႉၼႂ်းၼႃႈလိၵ်ႈဢၼ်လဵဝ်ၵၼ် ႁဝ်းတေတူၺ်း
ႁူဝ်ယွႆႈဢၼ်လႂ်ႁဝ်းၶလိၵ်ႉလူင်းၵႂႃႇမၼ်းတေၵျွၵ်းၵႂႃႇၸူးဢွင်ႈတီႈဢၼ်ႁဝ်းမၵ်းဝႆႉၼၼ်ႉ လၢႆးမၼ်းမီးဢမ်ႇယၢပ်ႇ ပေႃး
သူၼ်ၸႂ်ၼႆၵေႃႈၶႃႈတေတႅမ်ႈဝႆႉပၼ် ဢွၼ်ၵၼ်ၸၢမ်းတူၺ်းၶႃႈလႄႈ။

ၼိုင်ႈ >> ၶဝ်ႈၵႂႃႇတီႈၼႃႇၽဵတ်ႇ ဢမ်ႇၼၼ်ၽူတ်ႉဢၼ်ႁဝ်းတႅမ်ႈဝႆႉၼၼ်ႉ ယဝ်ႉၵေႃႈသိုပ်ႉတဵၵ်းတီႈ HTMl မၼ်း
တေၼေပၼ်တႃႇႁဝ်းေတၸၢင်ႈထႅင်ႈၶူတ်ႉမၼ်းလူင်းၵႂႃႇ။

သွင် >> သိုပ်ႇၼၼ်ႉၵေႃႈထုတ်ႇဢဝ်ၶူတ်ႉဢၼ်ၶႃႈႁဝ်းပၼ်ဝႆႉၼၼ်ႉၵႂႃႇဝၢင်းဝႆႉတီႈႁဝ်းတေႁဵတ်ၶပ်ႉမၢႆၸႅၼ်ႇႁူဝ်လိၵ်ႈ
မၼ်းၼၼ်ႉၶႃႈ။

<a href="http://greentai.blogspot.com/p/blog-page_9009.html#jump1">ၽၵ်းသဵဝ်ႈ</a>

<a href="http://greentai.blogspot.com/p/blog-page_9009.html#jump2">ၽၵ်းႁႃႈ</a>

<a href="http://greentai.blogspot.com/p/blog-page_9009.html#jump3">ၽၵ်းၼိူဝ်ႉၵႆႇ</a>

 

တူဝ်လိၵ်ႈလႅင်လႅင်ၼၼ်ႉႁဝ်းတေလႆႈၵႂႃႇထုတ်ႇဢဝ် Url ၼႃႇၽဵတ်ႇဢမ်ႇၼၼ်ၽူတ်ႉၶွင်ႁဝ်းမႃးသႂ်ႇတၢင်းတႅၼ်းၶႃႈ

တူဝ်းလိၵ်ႈၶဵဝ်ၶဵဝ်ၼၼ်ႉဢမ်ႇတၢပ်ႈၵႄႈၶူတ်ႉမၼ်း မၼ်းၼေဝႃႈႁဝ်းတေႁဵတ်းလိင်ႉမၼ်းဝႆႉလၢႆးဢၼ် မီးလၢႆးဢၼ်ၼႆၵေႃႈသႂ်ႇၵႂႃႇၸွမ်းႁူဝ်ၶေႃႈမၼ်းၼ်ႉၶႃႈ တူဝ်ယၢင်ႇဢၼ်ၶႃႈဢဝ်မႃးၼေတႄႉမီးတႃႇသၢမ်ႁူဝ်ၶေႃႈၵူၺ်းၶႃႈ

တူဝ်လိၵ်ႈၶွင်ႇၶွင်ႇၼၼ်ႉပဵၼ်ၸိုဝ်ႈႁူဝ်လိၵ်ႈမၼ်းၶႃႈ ပဵၼ်ႁူဝ်ၶေႃႈသင်ၼႆၵေႃႈသႂ်ႇၵႂႃႇၸွမ်းၼၼ်ႉၶႃႈ။

သၢမ် >> ပေႃးသင်ဝႃႈႁဝ်းလႆႈၶပ်ႉမၢႆဝႆႉႁူဝ်ၶေႃႈမၼ်းယဝ်ႉ ၵမ်းၼႆႉလူဝ်ႇလႆႈႁဵတ်းဢွင်ႈတီႈပၼ်တႃႇမိူဝ်ႈၵူၼ်းၶဝ်ႈမႃး
ၶလိၵ်ႉႁူဝ်ၶေႃႈမၼ်းယဝ်ႉႁႂ်ႈမၼ်းၵျွၵ်းမႃးၸူးတီႈၼႆႈၼႆႉၶႃႈ ၶိုၼ်းထုတ်ႇဢဝ်ၶူတ်ႉဢၼ်ၶႃႈႁဝ်းပၼ်ဝႆႉၼၼ်ႉၵႂႃႇဝၢင်းဝႆႉ
တီႈဢွင်ႈတီႈဢၼ်ႁဝ်းတေပၼ်မၼ်းၵျွၵ်းမႃးၸူးၼႆႉၶႃႈ။

 <a href=" http://greentai.blogspot.com/p/blog-page_9009.html"name="jump1">ၽၵ်းသဵဝ်ႈ</a>

<a href=" http://greentai.blogspot.com/p/blog-page_9009.html"name="jump2">ၽၵ်းႁႃႈ</a>

<a href=" http://greentai.blogspot.com/p/blog-page_9009.html"name="jump3">ၽၵ်းၼိူဝ်ႉၵႆႇ</a>

ပေႃးယဝ်ႉယဝ်ႉၼႆၵေႃႈၸၢမ်းၶလိၵ်ႉတူၺ်း သင်ဝႃႈမၼ်းလႆႈၼႆၵေႃႈမၼ်းတေၵျွၵ်းၵႂႃႇၸူးဢၼ်ႁဝ်းမၵ်းဝႆႉႁူဝ်ၶေႃႈ
မၼ်းၵမ်းလဵဝ်ၶႃႈ။


ၼႆႉပဵၼ်ဝဵပ်ႉၿလွၵ်ႉဢၼ်လႆႈႁဵတ်းလိင်ႉမၼ်းဝႆႉ ယဝ်ႉၵေႃႈမၼ်းၵျွၵ်းၵႂႃႇၸူးႁူဝ်ၶေႃႈဢၼ်ႁဝ်းမၵ်ႉဝႆႉၼၼ်ႉၶႃႈ။
http://greentai.blogspot.com/p/blog-page_9009.html


သင်ဝႃႈဢမ်ႇပွင်ႇၸႂ်လီၼႆၵေႃႈၶႂ်ႈတွင်ႈထၢမ်ၶိုၼ်းၼႆၵေႃႈတေယိၼ်းလီသေတွပ်ႇပၼ်ယူႇၶႃႈ။

<<မႂ်ႇသုင်ၶႃႈ>>